നിന്റെ യൌവനം
ഏത് ഉന്മാദത്തിന്റെ
മൂശയിലാണ് രൂപപ്പെട്ടത് ?
അതെനിക്കറിയില്ല.
കുപ്പിവളകളും പാദസരങ്ങളും
കിലുങ്ങിയ ഇടനാഴികളില്‍
ആരുടെയൊക്കെ നിശ്വാസങ്ങള്‍
വീര്‍പ്പിട്ടു.
അതും എനിക്കറിയില്ല.
പക്ഷെ, ഒന്നെനിക്കറിയാം;
നിന്നെ തേടിയലഞ്ഞ
സ്വപ്‌നങ്ങള്‍ക്ക് കണക്കില്ല.
നീ അറിയാത്തവര്‍ നിന്നെ അറിഞ്ഞു
നീ ‘അറിയുന്ന ‘വര്‍ നിനക്ക് തീരെ
അറിയാത്തവരുമായിരുന്നു.
നിന്നെ തീരെ
അറിയാത്തവരുമായിരുന്നു.
നിന്റെ ഉടലുകള്‍ സ്രവിച്ച
വിയര്‍പ്പില്‍ എത്ര ഉടലുകള്‍
ഉറങ്ങിയെന്നും എനിക്കറിയില്ല.
അതു ഞാന്‍ അന്വേഷിക്കുന്നുമില്ല.
പക്ഷെ, എനിക്കൊന്നറിയാം;
നിന്റെ ഹൃദയമിടിപ്പിന്റെ
താളത്തിലുറങ്ങിയ
ജന്മത്തോട് ഞാന്‍ അസൂയ്യപ്പെടുന്നു.
അതെന്റെ കൂടി
ഹൃദയത്തിന്റെ സംഗീതമാവാന്‍.
