നെരൂദ-പ്രണയകവിത

ഓർക്കുന്നുവോ:
ഒരു കിളിക്കുഞ്ഞിന്റെ ഹൃദയം
കൂട്ടിലിട്ടൊപ്പം കൊണ്ടുനടക്കുന്നവൾ നീ:
ചിറകിന്റെയും പാട്ടിന്റെയും സംവാദം;
അത്രയും വയലിനുകൾ,
ഉയർന്നു പറക്കുന്നവ, വെട്ടിത്തിളങ്ങുന്നവ.
വാരിയെടുക്കൂ, എനിക്കു വേണ്ടി വാരിയെടുക്കൂ,
ശബ്ദങ്ങളും രത്നക്കല്ലുകളും,
തീയിലും വായുവിലും അതു പെറുക്കിക്കെട്ടി
നിർമ്മലസംഗീതത്തിന്റെ അകമ്പടിയുമായി
നാം യാത്ര പോകും
പൊൻകട്ടകൾ കുത്തിയൊലിക്കുന്ന പുലരിയിലേക്ക്.
നമ്മുടെ പ്രണയം തുടിക്കട്ടെ
തണുപ്പത്തു ചെകിളയിളക്കുന്ന മത്സ്യം പോലെ. 
------------------------------------------------------------------

 വിവര്‍ത്തനം (വി.രവികുമാർ)

സൂര്യശില -കടമ്മനിട്ട-

കലാതീതനായ ഒരു സൂര്യനുകീഴില്‍ എന്റെ ഉണ്മയുടെ
തെരുവുവീധികളിലൂടെ ഞാന്‍ പോകുന്നു , ഒരു വൃക്ഷത്തെപോലെ
നീ എന്റെ അരികില്‍ നടക്കുന്നു, ഒരു നദിയെപ്പോലെ എന്നോട് സംസാരിക്കുന്നു
ധാന്യകതിരുപോലെ എന്റെ കൈകള്‍ക്കിടയില്‍ വളരുന്നു
അണ്ണാനെപ്പോലെ എന്റെ കൈക്കു...ള്ളില്‍ വിറകൊള്ളുന്നു
ആയിരം കിളികളെപ്പോലെ പറക്കുന്നു, നിന്റെ ചിരിയുടെ
പത എന്നെ പൊതിയുന്നു, നിന്റെ തല
എന്റെ കൈകല്‍ക്കിടയിലൊരു ചെറുതാരമാണ്
നീ പുഞ്ചിരിച്ചുകൊണ്ട് നാരങ്ങ തിന്നുമ്പോള്‍ ഈ ലോകം
വീണ്ടും പച്ചക്കുന്നു