യാത്രയില്‍ ഞാനറിയാതെ
വഴയില്‍ വീണുപോയ പ്രണയം
തിരഞ്ഞു ഹൃദയത്തിന്റെ
എല്ലാ കള്ളറകളിലും, എവിടെയുമില്ല!
മനസ്സിന്റെ ആള്‍സഞ്ചാരമില്ലാത്ത
ഏതോ ഇടവഴിയില്‍, അല്ല
നിരത്തില്‍ വീണു പോയ ഏതോ തുകല്‍ സഞ്ചി പോലെ
ആദ്യം വഴിപോക്കരുടെ പദലാളനങ്ങളേറ്റും,
പിന്നെ വണ്ടിച്ചക്രങ്ങളില്‍ ഞെരിഞ്ഞും
വൈകി വന്ന തുലാമഴ നനഞ്ഞും
ദൃഢത തേഞ്ഞ് തുന്നലും വള്ളിയുമറ്റ്
ചീഞ്ഞു തുടങ്ങിയപ്പോള്‍
ഒരുണങ്ങിയ കമ്പാല്‍ എടുത്തെറിയപ്പെട്ട
എന്റെ പ്രണയം...
പതുക്കെ ഹൃദയം ചുമലില്‍ കൈ വച്ച് ചോദിച്ചു
നീ തോറ്റ് മടങ്ങിയ കളത്തില്‍ തന്നെ
നിന്റെ ഉടവാളടിയറ വച്ചതെന്തിന്
-രമേഷ്. സി. കെ
No comments:
Post a Comment